Արդեն 1,5 տարի է, ինչ «Չորրորդ իշխանություն» թերթի տնօրեն եւ լրագրող Մհեր Ղալեչյանի եւ նրա ընտանիքի նկատմամբ ահաբեկման, շանտաժի եւ քրեական հետապնդման քաղաքականություն է իրականացվում ՀՀ Արաբկիրի դատախազության եւ նրանց հովանավորյալ` Վարդան Հովնիկյանի կողմից: Բացահայտ շինծու գործով Մհեր Ղալեչյանին անհիմն, առանց որեւէ ապացույցի, մեղադրանք են ներկայացրել:
2015թ. հուլիսի 5-ին տեղի ունեցած միջադեպը, որի ժամանակ մարմնական վնասվածքներ են հասցրել Մհեր Ղալեչյանի կնոջը` լրագրող Գայանե Խաչատրյանին, Արաբկիրի դատախազությունը ոչ միայն փորձում է կոծկել, այլ նաեւ քրեական հետապնդում է սկսել Մհեր Ղալեչյանի հանդեպ, այն դեպքում, երբ կան միջադեպի տեսագրություններ, ձայնագրություններ, ականատեսների վկայություններ, որոնք նախաքննությունն իրականացնող մարմինների համար լիովին բավարար էին գործի ամբողջ պատկերը ունենալու համար: Սակայն Արաբկիրի դատախազությունն ունի իր շահերն այս գործում:
Aravot.am-ի հետ զրույցում Մհեր Ղալեչյանը վրդովմունք հայտնեց, թե մեկ անձի ցուցմունքի վրա մեղադրանք են ներկայացրել. «Այս մեկուկես տարվա ընթացքում մի շարք հրավերներ եմ ունեցել արտասահմանից տարբեր սեմինարների մասնակցության համար, բայց չեմ կարողացել մասնակցել, քանի որ իմ նկատմամբ խափանման միջոց է կիրառված երկրից չբացակայելը: Ոչ մի փորձաքննություն, միայն մեկի ցուցմունքի հիման վրա իմ դեմ գործ է հարուցվել»:
Մանրամասները` առաջիկայում:
Կարդացեք նաև
https://www.youtube.com/watch?v=WCW-_nJcuaY
Տաթև ՀԱՐՈՒԹՅՈՒՆՅԱՆ
