Քիչ առաջ ավարտվեց Երկրապահ կամավորական միության (ԵԿՄ) վարչության ընդլայնված նիստը:
Aravot.am-ը որոշ պարզաբանումներ ստացավ ԵԿՄ լրատվության պատասխանատու Վարդան Վարդանյանից: Մասնավորապես հետաքրքրվեցինք՝ քննարկվե՞լ է արդյոք վարչության կազմի հարցը, մանավանդ, որ խոսակցություններ կան, որ Գյումրիի նախկին քաղաքապետ Վարդան Ղուկասյանը, Վերահսկիչ պալատի նախկին նախագահ Իշխան Զաքարյանը և այլք դուրս են մնալու վարչությունից:
Պարոն Վարդանյանը պատասխանեց. «Նիստի օրակարգում մի քանի հարցեր էին: Առաջինը ԵԿՄ 11-րդ հերթական համագումարի հրավիրում: Կազմկոմիտեի առաջարկը հիմք ընդունելով՝ որոշվեց, որ հերթական համագումարը լինելու է փետրվարի 18-ին՝ ժամը 11.00-ին Մարզահամերգային համալիրում»: Պարոն Վարդանյանը տեղեկացրեց նաև, որ քննարկվել են նաև հրամանատարասերժանտական դասընթացների ընթացքը և այլ հարցեր:
Իսկ վարչության կազմի հետ կապված հարցին ի պատասխան նշեց. «Վարչության կազմի հետ կապված հարց չի քննարկվել: Վարչությունը որոշվում է համագումարում, որին ներկա կլինեք ցանկության և հավատարմագրման դեպքում: Վարչություն ընտրելու իրավասությունը համագումարինն է. դուրս մնալու կամ ներս գալու հարց չկա»:
Կարդացեք նաև
Տաթև ՀԱՐՈՒԹՅՈՒՆՅԱՆ
