Aravot.am-ը ԿԳ նախարար Լեւոն Մկրտչյանից հետաքրքրվեց՝ ինչո՞ւ են ձգձգվում Մատենադարանի տնօրենի ընտրությունները, երբ լրացել են բոլոր ժամկետները:
«Խնդիրը չեմ ուզում դիտարկենք որպես տնօրենի նշանակման հարց: Մատենադարանը եւ Ֆիզիկայի ինստիտուտը այն ազգային արժեքներն են, որոնք Հայաստանի Հանրապետության դիմագիծն են ներկայացնում՝ կոնկրետ ուղղություններով: Այդ իմաստով, ճիշտ կլինի, որ Մատենադարանը ձեւավորվի հատուկ հիմնադրամի, եւ իր կարգավիճակով աշխատի որպես հիմնադրամ ու գիտական հզոր կառույց, որի ֆոնդերը կլինեն բացառիկ պետական սեփականություն եւ կտան տնօրինվելու Մատենադարան հիմնադրամին, որպեսզի սեփականության խնդիրներ չլինեն: Հիմնադրամի կարգավիճակը պետք է բարձրացնի Մատենադարանի հեղինակությունը: Հիմա այդ փաթեթն ենք պատրաստում»,-ասաց նախարարը:
Հետաքրքրվեցինք՝ հնարավո՞ր է տնօրենի գիտական աստիճանի շեմն իջնի այս վերափոխումների ճանապարհին:
«Երբեք, միայն բարձրանալու ճանապարհին ենք, ուզում եմ, որ հասարակությունը վստահ լինի, որ մեկ մարդու աշխատանքի խնդրի համար չենք կարող Մատենադարանում այդպիսի գործընթացներ սկսենք: Մատենադարանն ինձ համար անձնապես էլ շատ մեծ արժեք է: Ավելի լավ է, մենք այն ուժեղացնենք: Հաջորդը կլինի Ֆիզիկայի ինստիտուտը»,-շեշտեց ԿԳ նախարարը
Կարդացեք նաև
Գոհար ՀԱԿՈԲՅԱՆ
