Փետրվարի 1-ին Շերեմետևո օդանավակայանում Մոսկվայից Երևան թռիչքի պատրաստվող օդանավը չի կարողացել չվերթ իրականացնել՝օդանավի անսարքության պատճառով: Այս մասին հայտնում է Life-ը:
Հաղորդվում է, որ «Յուտէյր» ավիաընկերության Boing-737 օդանավի օդաչուն անմիջապես թռիչից առաջ «կրիտիկական խնդիրներ» է հայտնաբերել օդանավում և այդ մասին հայտնել է դիսպետչերներին:
Քաղաքացիական ավիացիայի գլխավոր վարչության մամլո քարտուղարն այս առնչությամբ տարածել է հետեւյալ հաղորդագրությունը. «Մամուլում տարածված այն տեղեկատվությունը, թե այսօր՝ փետրվարի 1-ին, «UTair» ավիաընկերությանը պատկանող «Բոինգ-737» ինքնաթիռը «Շերեմետևո» օդանավակայանից չի կարողացել իրականացնել Մոսկվա-Երևան չվերթը՝ ինքնաթիռի հետևի հատվածի կոտրված փականների անսարքության պատճառով, չի համապատասխանում իրականությանը:
«UTair» ավիաընկերությունը «Շերեմետևո» օդանավակայանից Մոսկվա-Երևան չվերթներ չի իրականացնում, թռիչքներն իրականացվում են «Վնուկովո» օդանավակայանից:
Կարդացեք նաև
Միևնույն ժամանակ հայտնում ենք, որ փետրվարի 1-ին «UTair» ավիաընկերության UT 873 համարի ինքնաթիռը «Վնուկովո» օդանավակայանից Մոսկվա-Երևան չվերթը ժամը 11.10-ի փոխարեն իրականացրել է 11.36-ին և Երևան է հասել 13.58-ին՝ 14.00-ի փոխարեն: Որևէ միջադեպ չի արձանագրվել չվերթի ժամանակ»:
Պատրաստեց՝ Վիկտորյա ԱՆԴՐԵԱՍՅԱՆԸ
