Ադրբեջանում բուռն քննարկվում է ՀՀ պաշտպանության նախարար Վիգեն Սարգսյանի այցը Իրան եւ հանդիպումն իրանցի պաշտոնակցի հետ: Ադրբեջանական լրատվամիջոցներն անգամ հայ-իրանական գործակցությունը բնութագրող «արյունոտ ձեռքերով» լուսանկար են հրապարակել: «Հենարան» մամուլի ակումբում այսօր իրանագետ Արտյոմ Տոնոյանը խնդրի շուրջ ասաց, որ ադրբեջանական մամուլը շահարկում է հայ-իրանական գործակցությունը:
«Իրենց ենթադրությամբ՝ հայ-իրանական գործակցության մեջ շահագրգռված է ՌԴ-ն եւ վերջինիս հրահանգով է Իրանը գնում ՀՀ-ի հետ գործակցության: Սա նորություն էր փորձագետներիս համար: Իրանին մեղադրում են, թե ցանկանում է կործանել Ադրբեջանին, տեսնել թույլ Ադրբեջան: Շահարկվում է այն փաստը, որ շիայադավան Իրանը գործակցում է քրիստոնյա երկրի հետ: Ադրբեջանը նաեւ մեղադրում է Իրանին՝ իր ներսում շիայական հեղափոխություն հրահրելու մեջ»,-նկատեց Արտյոմ Տոնոյանը:
Փորձագետը հիշեցրեց, որ Ադրբեջանը հեղեղված է իսրայելական արտադրության զենքով. «Չկա երաշխիք, որ Արցախյան պատերազմի պատրվակով Ադրբեջանում հայտնվող այդ զենքը մի օր Ադրբեջանի ցանկությամբ չի օգտագործվի Իրանի դեմ»:
Բանախոսը նշեց, որ իրանական լրատվամիջոցներն իրենց հերթին բարձր մակարդակով լուսաբանում են ՀՀ ՊՆ-ի այցը եւ շեշտում, որ ՀՀ-Իրան բարեկամական հարաբերությունները զարգացման փուլում են:
Կարդացեք նաև
Մանրամասն՝ տեսանյութում:
Լուիզա ՍՈՒՔԻԱՍՅԱՆ
