Սննդամթերքը պետք է նպատակամղված ընտրվի եւ կազմվի միայն ածխաջրերի եւ սպիտակուցների, բալաստային նյութերի, վիտամինների եւ միներալների, ինչպես նաեւ ճարպերի եւ ալկոհոլի ճիշտ համակցմամբ, եւ լավագույն կերպով կգործի մեր մարսողությունը։
Իսկ օրգանիզմն ընդհանուր առմամբ հեշտությամբ մեզ կպահի առողջ եւ աշխատունակ։
Արյան խմբերի դիետան հաշվի է առնում մեր նախնական «բիոքիմիական անհատականությունը», այսինքն, թե ինչպես է մեր օրգանիզմը մշակում սնունդը` ելնելով գենետիկական հատկանիշներից։ Եվ այստեղ, ինչպես վերջերս հայտնաբերել են Միացյալ Նահանգների բժիշկները, հսկայական տարբերություններ կան` կախված արյան խմբից։
Այն, որ ըստ արյան խմբերի բաժանված դիետայի հնարավոր է առողջ, աշխույժ եւ բարեկազմ լինել, ցույց են տալիս որոշ հետազոտություններ։ Նույնիսկ տեսակավորված սնունդ ընդունողներն այս ընթացքում անցել են այն բանին, որ առօրյայում հաջողությամբ միավորում են այդ երկու հայեցակարգերը։
Կերակրատեսակները համակցում են ըստ սննդամթերքի ժամանակակից բաժանման` միաժամանակ ուշադրություն դարձնելով այն սննդամթերքին, որն ըստ արյան խմբերն ուսումնասիրողների՝ տվյալ խմբի մարդկանց համար ընդունելի է։
Արյան խումբն է որոշում, թե այս կամ այն սննդամթերքը որքանով է օգտակար կամ վնասակար մեզ համար։ Արյան տարբեր խմբեր ունեցող մարդկանց մոտ միեւնույն սննդամթերքը կարող է միանգամայն հակադարձ ազդեցություն առաջ բերել, ինչպես ցույց է տալիս կաթի օրինակը։
Կարդացեք նաև
Հիմնական կերակրատեսակների բաղադրությունը մեկ շաբաթվա համար առանձնացվում է` 3 անգամ անյուղ միս, նույնքան թռչնամիս՝ առանց կաշի, 1-2 անգամ ձու, 3-4 անգամ ձուկ, 3-4 անգամ «լավ» ածխաջրեր, որպես հիմնական ածխաջրեր:
Այս մթերքներով դուք կարող եք իջեցնել խոլեստերինի քանակությունը եւ կանխել սրտանոթային հիվանդությունները:
Այդ պատճառով հատկապես կարեւոր է առավելություն տալ լավ ածխաջրերին եւ լավ ճարպերին (օրինակ` ձուկ եւ ձիթապտղի ձեթ), որոնք իջեցնում են վատ խոլեստերինը։
Սննդամթերքի բնականությունը եւ թարմ պատրաստելը երաշխավորում են վիտամինների, հանքային նյութերի եւ էական ճարպաթթուների բարձր պարունակությունը։
Փոփոխություններով հարուստ բաղադրությունը ապահովում է սպիտակուցի, ածխաջրերի եւ ճարպերի բավական լավ ապահովումը։
Քաշը կայուն պահելու համար պետք է երկարաժամկետ ուտել գլիկեմիական ցածր ցուցանիշով սննդամթերք։ Ընդ որում` դրան պետք չէ հետեւել այնպես խստորեն, ինչպես նիհարելու փուլում, սակայն միայն հազվադեպ կարելի է թույլ տալ հիպերգլիկեմիա, կան ուտելիքներ, ինչպես` տորթեր, շոկոլադ, սպիտակ հաց եւ կարտոֆիլով կերակրատեսակներ։ Սա է քաշը տեւականորեն կանոնավորելու շրջանակը։ Խախտելով այս շրջանակը` մենք ենթարկում ենք մեզ կրկին գիրանալու վտանգին։
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
31.01.2017
