Յուրաքանչյուր ամսվա վերջին ուրբաթ օրը ՀՀ սպորտի եւ երիտասարդության հարցերի նախարարությունում քաղաքացիների ընդունելության օր է: Մարդիկ նախապես հերթագրվում են ու նշանակված ժամին իրենց հուզող հարցերով հանդիպում նախարար Հրաչյա Ռոստոմյանի հետ: Aravot.am-ը ներկա է եղել դրանցից մեկին:
Մեզ թվում էր, թե հաշվի առնելով ոլորտի ուղղվածությունը, քաղաքացիները պետք է որ դիմեին ֆիզիկական կուլտուրայի եւ սպորտի խնդիրներով եւ առաջարկներով. ասենք, առողջ ապրելակերպի կազմակերպման, հանրակրթական դպրոցներում ֆիզիկական կուլտուրա առարկայի դասավանդման եւ այլն: Սակայն ընդունելությանը մեր ներկա գտնվելու օրը միայն մեկ հարց էր վերաբերում սպորտին:
«Ցուցակագրում ենք բոլորին, ովքեր զանգահարում են կամ գալիս: Նախարարին դիմում են ամենատարբեր խնդիրներով, սկսած աշխատանքի տեղավորվելու խնդրանքից, ոլորտի հետ բացարձակապես առնչություն չունեցող հարցերից, վերջացրած անձնականով: Նախարարը լսում է նրանց եւ հնարավորություն լինելու դեպքում աշխատում օգտակար լինել, աջակցել», – ասում է նախարարի մամուլի խոսնակ Աստղիկ Մարտիրոսյանը:
Կարդացեք նաև
Աշոտ ՀԱԿՈԲՅԱՆ
