Այսօր «Հայացք» ակումբում Հայաստանի գործատուների հանրապետական միության նախագահ Գագիկ Մակարյանն անդրադառնալով տնտեսական իրավիճակին, նկատեց, որ ամբողջ աշխարհում փոքր տեմպերով աճ է նկատվում, եւ ի տարբերություն 2015 թվականի, այս տարի 3.4 % համաշխարհային աճի ցուցանիշ է ակնկալվում:
Պարոն Մակարյանի դիտարկմամբ՝ Հայաստանի տնտեսության վրա ազդեցություն կունենան Ռուսաստանը, ԱՄՆ-ն, Չինաստանը, իսկ ԱՄՆ-ն մեծ ազդեցություն է ունենալու ամբողջ աշխարհի տնտեսության զարգացման վրա:
Հայաստան ուղղվող տրանսֆերտներն ավելանալու են, ըստ Մակարյանի՝ ավելի շատ ռուբլով տրանսֆերտները. «Դա կբերի ռուբլու ազդեցության ուժեղացմանը եւ կխթանի ՌԴ-ի եւ Հայաստանի միջեւ առեւտուրը: Եվրամիությունում անկում կա, բայց պղնձի գների բարձրացման միտում է նկատվում: Այստեղ ռիսկ կլինի, որ արտահանման ծավալները կկրճատվեն»:
Պարոն Մակարյանը առաջարկություններ ներկայացրեց, թե ինչ պետք է արվի, որ Հայաստանում աղքատությունը կրճատվի:
Կարդացեք նաև
Այդ մասին մանրամասները՝ տեսանյութում
Գագիկ Մակարյանը մեկ այլ առաջարկ էլ արեց. Ըստ տնտեսագետի, պաշտպանության նախարարությունը պետք է ավելի խորը համագործակցի տեղեկատվական տեխնոլոգիաների ոլորտի հետ. ՊՆ-ն կարող է ռազմական արդյունաբերության զարգացումը խթանել. «Օրինակ՝ ՊՆ-ն կարող է ուսումնական վարժանքների ժամանակ փորձարկել, օգտագործել նախագծված արտադրանքների նմուշները»:
Մանրամասն՝ տեսանյութում
Նելլի ԲԱԲԱՅԱՆ
