Տեղեկատվական անվտանգության փորձագետ Սամվել Մարտիրոսյանի խոսքով՝ ապրիլին կայանալիք խորհրդարանական ընտրություններին ընդառաջ մեծ քանակությամբ ապատեղեկատվություն է ներխուժելու տեղեկատվական դաշտ: ՙԱրդեն իսկ ապատեղեկատվություն տարածող կայքեր են հայտնվել, սոցցանցային կեղծ էջեր՚,-ՙՓաստարկ՚ մամուլի ակումբում այսօր ասաց նա:
ՙԼրատվական կայք սարքելու համար պետք է երկու ժամ եւ մի քանի հոգանոց թիմ՝ ապատեղեկատվություն տարածելու համար: Օգտատերերը պետք է գիտակցեն, որ անծանոթ աղբյուրների եւ կեղծ օգտատերերի տարածած տեղեկատվությանը պետք է վերապահորեն մոտենալ: Նորմալ մամուլը եւս քարոզչական ազդեցության տակ է ընկնելու, դա անխուսափելի է՚,-նշեց Սամվել Մարտիրոսյանը:
Նա նաեւ հիշեցրեց, որ փետրվարի վերջին Խոջալուի դեպքերի եւ Սումգայիթի ջարդերի առթիվ Ադրբեջանն ավելի մեծ ֆինանսական միջոցներ կծախսի՝ տարբեր երկրներում եւ տեղեկատվական դաշտում իրեն ձեռնտու ՙճշմարտությունը՚ հրամցնելու համար: ՙՀաքերային հարձակումների պետք է սպասել: Փետրվարի վերջին թեժ է լինելու՚,-եզրափակեց փորձագետը:
Մանրամասն ՝ տեսանյութում:
Կարդացեք նաև
Լուիզա ՍՈՒՔԻԱՍՅԱՆ
