Հոլանդիայի Վեյկ-ան-Զեե քաղաքում այսօր ավարտվող «Tata Steel Chess 2017» գերմրցաշարի վերջնամասում պայքարն ավելի հետաքրքիր է դառնում: Երեկ՝ 12-րդ տուրից հետո հաղթանակի համար ինտրիգն ավելի սրվեց: Միանձնյա առաջատար Ուեսլի Սոն միավորը բաժանեց Ի Վեյի հետ, Լեւոն Արոնյանը առավելության հասավ Լյուկ Վան Վելիի, Մագնուս Կարլսենը՝ Պավել Էլյանովի նկատմամբ: Սոն 8,0 միավորով շարունակում է գլխավորել մրցաշարային աղյուսակը, սակայն նրա առավելությունը Լեւոն Արոնյանի, Ի Վեյի եւ Մագնուս Կարլսենի նկատմամբ իջավ նվազագույնի՝ կազմելով ընդամենը կես միավոր:
Այսօր շախմատասերների ուշադրությունը գամված է լինելու միանգամից չորս պարտիաների վրա, որոնցում գրանցվելիք արդյունքներն էլ կտան բոլոր հարցերի պատասխանը: Եզրափակիչ տուրում միմյանց հետ խաղում են. Յան Նեպոմնյաշչի-Ուեսլի Սո, Մագնուս Կարլսեն-Սերգեյ Կարյակին, Դմիտրի Անդրեյկին-Լեւոն Արոնյան, Վեյ Ի-Ռադոսլավ Վոյտաշեկ:
Առաջին տեղի միավորները հավասար լինելու դեպքում կանցկացվի թայ բրեք:
Աշոտ ՀԱԿՈԲՅԱՆ
Կարդացեք նաև
Լուսանկարը՝ մրցաշարի ՖԲ էջի
