Հունվարի 28-ին «Դեբատ» ակումբում ԱԺ «Հայկական վերածնունդ » կուսակցության խմբակցության քարտուղար Մհեր Շահգելդյանը կարծիք հայտնեց, որ երբ Ընտրական օրենսգրքով մտցվեց ռեյտինգային կոչվածը, համակարգը բազմաթիվ բացասական գծեր ձեռք բերեց:
Նրա ձեւակերպմամբ, այնուամենայնիվ , իշխող քաղաքական ուժը գնալով թուլանում է, չնայած խարդախություններին ու լծակներին: «Մտածելակերպ է փոխվել, բացի այդ, մարդիկ այլեւս չեն հավատում, թե այն գրիչների վրա, որոնցով քվեարկում են, կամերա կա դրված»,-ասաց նա:
Շահգելդյանի կարծիքով, ժողովուրդը հիասթափված է, եւ ինքը հույս ունի, որ մարդիկ փողը կվերցնեն եւ կընտրեն ում` ուզում են: Նա օրինակներ բերեց, թե ինչպես իշխող ուժի ներկայացուցիչները պարտվեցին ՏԻՄ ընտրությունների ժամանակ:
«Այսօր ծանր վիճակում ենք, եւ Հայաստանի զարգացման համար 6-7 մլրդ ներդրում է անհրաժեշտ, եւ սա այն դեպքում, երբ վերջին 9-10 տարիներին 10 մլրդ դուրս է եկել երկրից: Այսպես շարունակվելու դեպքում, կարող ենք գնալ կործանման, քանի որ 4,8 %-ով պակասել է Հայաստանի աշխատունակ բնակչությունը, հատկապես երիտասարդներն են գնացել երկրից»,-նշեց բանախոսը:
Կարդացեք նաև
Բանակի տոնը շնորհավորելով, նա նաեւ կոչ արեց պաշտպանել զինվորներին, որոնք այսօր մեզ են պաշտպանում, նրանց ապահովել համապատասխան հանդերձանքով ու զինտեխնիկայով:
Գոհար ՀԱԿՈԲՅԱՆ
