Օրերս հայտնի դարձավ, որ առաջիկա խորհրդարանական ընտրություններում շուրջ 1500 տեղամասերում կտեղադրվեն տեսախցիկներ։ Նման որոշում է կայացրել այդ հարցով դեռևս անցած տարի ստեղծված հանձնաժողովը, որի կազմում ընդգրկված են իշխանության և ընդդիմության ներկայացուցիչներ։
Իշխանությունը, իհարկե, ամեն կերպ փորձեց խափանել տեսախցիկների տեղադրումը՝ դա պատճառաբանելով ֆինանսական միջոցների անբավարարությամբ և մրցույթին ընդամենը մեկ կազմակերպության մասնակցությամբ, որն առաջարկել է շատ բարձր գին։ Խնդիրը լուծվեց միայն Հայաստանում Եվրամիության դեսպան Պյոտր Սվիտալսկիի միջամտությունից հետո, ով նախ՝ խոստացավ ավելացնել այդ գործընթացի համար ԵՄ-ի կողմից տրամադրվող ֆինանսական աջակցությունը, բացի այդ, հասավ նրան, որ կառավարությունը հրաժարվեց դրա համար անհրաժեշտ սարքավորումների ներկրումից գանձվելիք հարկերից։
Եվրամիությանը, փաստորեն, մնացել է աջակցել, որպեսզի ռուսամետ ուժերի միջև պայքարը լինի մրցակցային և համապատասխանի միջազգային չափանիշերին, ինչը, իհարկե, դրական է։ Ողջ խնդիրն այն է, որ այդ մրցակցային պայքարն ի վերջո հանգեցնելու է Հայաստանի՝ որպես պետության մրցունակության անկմանը։
Հոդվածն ամբողջությամբ կարող եք կարդալ «168 ժամ» թերթի այսօրվա համարում
