Ֆրանսիայի Սահմանադրական խորհուրդը որոշել է, որ ցեղասպանությունների քրեականացումը «անհրաժեշտ չէ և անհամաչափ հարձակում է խոսքի ազատության դեմ»: Այս մասին հայտնում է Nouvelles d’Armenie-ն:
Հիշեցնենք, Ֆրանսիայի Ազգային ժողովի կողմից դեկտեմբերի 22-ին ընդունվել էր ազգային կամ կրոնական հողի վրա ցեղասպանությունների և զանգվածային սպանությունների ժխտումը քրեականացնելու մասին օրինագիծ:
Այսպիսով, Սահմանադրական խորհուրդը փոփոխել է երկրի «Հավասարության և քաղաքացիության մասին» օրենքի 173-րդ հոդվածի 2-րդ կետը, որով պատասխանատվություն էր սահմանում մարդկության դեմ իրականացված ոճիրների ժխտման համար, անգամ այն պարագաներում, երբ տվյալ ոճիրն իրավականորեն չի դատապարտվել ֆրանսիական կամ միջազգային դատարանի կողմից:
Խորհրդի եզրակացության մեջ նշվում է, որ այդ օրինագծի ընդունումը կհանգեցնի անորոշության և կխանգարի պատմական բանավեճերին՝ վնաս հասցնելով ազատ արտահայտմանը: Այդպիսով, ցեղասպանության ժխտումը քրեականացնելու մասին դրույթը ճանաչվել է հակասահմանադրական :
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
