ՊՆ նախկին նախարար Վահան Շիրխանյանի փաստաբան Հայկ Ալումյանն այսօր Նորք Մարաշի «հանցավոր խմբի» գործով դատական նիստից հետո լրագրողներին ասաց, որ դեռ անցյալ դատական նիստի ժամանակ է դատարանից ճշտել՝ դատարանը պահանջո՞ւմ է ՔԿՀ-ից Շիրխանյանի բժշկական անկետաները, դատարանը դրական պատասխան է տվել:
«Բանտապետը որոշել է, որ չի տալու: Դե սա ուղղակի սանձարձակություն է: Սա այն է, որ արդեն ամեն ինչ որոշել են խառնել իրար, բանտապետը դատարանի փոխարեն պետք է որոշի՝ դատարանն ինչ պետք է ուսումնասիրի, ինչը չէ»,- ասաց Հայկ Ալումյանը:
Անդրադառնալով Շիրխանյանի նկատմամբ սանկցիա կիրառելու վերաբերյալ այսօր դատական նիստում մեղադրող դատախազի կատարած միջնորդությանը՝ պարոն Ալումյանն ասաց.
«Եթե իրենք ուզում են, որ ինչ-որ մեկը պարոն Շիրխանյանին գրկած բերի դատարան, մենք դեմ չենք, թող գրկած բերեն: Խնդիրն այն է, որ նա չի կարողանում տեղաշարժվել, թե հիմա նրան սայլակով, պատգարակով, թե գրկած կբերեն, բոլոր տարբերակներին համաձայն ենք, միայն թող բերեն դատարան»:
Կարդացեք նաև
Արփինե ՍԻՄՈՆՅԱՆ
