«ՀՀԿ-ն վայելք չէ եւ կուսակցություն գալիս են ժողովրդին ծառայելու համար»,-այսօր ՀՀԿ խորհրդի նիստի ընթացքում լրագրողների հետ զրույցում ասաց ՀՀԿ մամուլի խոսնակ Էդուարդ Շարմազանովը:
Նա ասաց, որ իրենց ոչ միշտ է հաջողվել այդ մոտեցումը պահպանել, այդ պատճառով էլ գնում են փոփոխությունների ճանապարհով:
Լրագրողները այս առնչությամբ հետաքրքրվեցին, թե ինչ արտոնություն էր ուզում Հովիկ Աբրահամյանը, որը չստանալով որոշեց դուրս գալ, պարոն Շարմազանովը ասաց.
«Նախագահի գլխավորությամբ ՀՀԿ թիմն է որոշում՝ ով որտեղ պետք է լինի»:
Որպեսզի ավելի պարզ լինի իր ասածները պարոն Շարմազանովը ֆուտբոլային տերմինոլոգիայով բացատրեց. «Կան տասնմեկ խաղացողներ ֆուտբոլիստներ եւ գլխավոր մարզիչ: Բոլոր ֆուտբոլիստներն էլ ցանկանում են կենտրոնական հարձակվողի դերում լինել, բայց երբ բոլորին թողնում ես կենտրոնական հարձակվող լինեն, դարպասդ ազատ է լինում եւ պարտվում ես: Դրա համար պետք է մարզիչը, այսինքն՝ առաջնորդը ասի՝ ում ծառայությունները, ում հնարավորությունները որտեղ օգտագործել»:
Կարդացեք նաև
Լուսինե ԲՈՒԴԱՂՅԱՆ
