Սոցիալական իրավունքի եվրոպական կոմիտեն հրապարակել է 2016թ. եզրացությունները պետությունների կողմից Եվրոպական սոցիալական խարտիայի դրույթներին հետևելու վերաբերյալ: Դրանցում տեղ են գտել Եվրախորհրդի 34 անդամ երկրներում Եվրոպական սոցիալական խարտիայի խախտման 166 դեպքեր:
Ընդհանուր առմամբ, Կոմիտեն ընդունել է 513 եզրակացություն, որոնք վերաբերում են այդ երկրներում աշխատանքին, մասնագիտական պատրաստվածությանը և հավասար հնարավորություններին:
Հայաստանին վերաբերվող եզրակացության մեջ նշվում է, որ թեև Հայաստանում ընդունվել են աշխատանքի քաղաքականությանն ուղղված մի շարք փաստաթղթեր, որոնցով, մասնավորապես, հատուկ ծրագրեր պետք է կիրառվեն խոցելի խմբերի, օրինակ` սահմանափակ հնարավորություններ ունեցող մարդկանց համար, այնուամենայնիվ, եզրակացության մեջ նշվում է, որ այդ միջոցառումներից ոչ մեկը չի կատարվել:
Բացի այդ, Հայաստանն իր զեկույցում տվյալներ չի տրամադրել աշխատանքի ընդունման քաղաքականության գնահատականների վերաբերյալ: Եզրակացության մեջ նշվում է, որ այս կետով Հայաստանը չի համապատասխանում Խարտիայի համապատասխան հոդվածին:
Կարդացեք նաև
Զեկույցն ամբողջությամբ հասանելի է հետևյալ հղումով:
Պատրաստեց՝ Վիկտորյա ԱՆԴՐԵԱՍՅԱՆԸ
