2016 թվականի դեկտեմբերի 17-ին «Մեդիա և իրավունք» հասարակական կազմակերպությունը հերթական անգամ դիմում էր ներկայացրել Ազգային ժողովի Էթիկայի հարցերով ժամանակավոր հանձնաժողով Ազգային ժողովի «Հանրապետական» խմբակցության 4 պատգամավորների հարցով, ինչի վերաբերյալ ավելի վաղ հայտարարություն էր տարածել:
Բանն այն է, որ «Մեդիա և իրավունքի» անդամ լրագրողները դեկտեմբերի 15-ին Ազգային ժողովում հերթական անգամ տեսանկարահանել էին, թե ինչպես են իշխող Հանրապետական կուսակցության թվով չորս պատգամավորները քվեարկում բացակայող պատգամավորների փոխարեն:
Այդ անգամ ուրիշի փոխարեն քվեարկել էին ՀՀԿ-ական պատգամավորներ Արտակ Դավթյանը, Վազգեն Կարախանյանը, Ռազմիկ Զոհրաբյանը և Արկադի Համբարձումյանը: Տեսանյութերի հղումները՝ ստորև:
https://mediaandlawngo.blogspot.am/2016/12/blog-post_93.html
Կարդացեք նաև
https://mediaandlawngo.blogspot.am/2016/12/blog-post_56.html
https://mediaandlawngo.blogspot.am/2016/12/blog-post_16.html
Մինչև այս պահը հանձնաժողովի նախագահ Լյովա Խաչատրյանը տարբեր լրատվամիջոցներում հայտարարել է, թե հանձնաժողովը վերոնշյալ դիմումը դեռևս չի ստացել:
Եթե ՀՀԿ-ն նախորդ դիմումի քննության ժամանակ մարտավարություն էր մշակել՝ տապալելու ուրիշի փոխարեն քվեարկող պատգամավորների վերաբերյալ որոշումների կայացումը, ապա այս անգամ փորձ է արվում պարզապես անտեսել մեր դիմումը և ամեն կերպ ձգձգել հարցի վերաբերյալ որոշման կայացումը՝ անհնարին դարձնելով հարցի քննարկումը քարոզարշավի պայմաններում:
Առաջնորդվելով մեր կողմից որդեգրված սկզբունքներով՝ հունվարի 25-ին միևնույն դիմումն այս անգամ 5 օրինակով կրկին ուղարկել ենք Էթիկայի հարցերով ժամանակավոր հանձնաժողով՝ հույս ունենալով, որ 5 դիմումներից գոնե մեկը կհասնի հանձնաժողով, և հանձնաժողովը ստիպված կլինի այս հարցը վերջապես քննարկել:
