Հանրային խորհրդի անդամ, «Ազգային ժողովրդավարների դաշինք» կուսակցության նախագահ Արշակ Սադոյանը և գրող-հրապարակախոս, ԱԱԾ պետի նախկին տեղակալ Գուրգեն Եղիազարյանն այսօր «Տեսակետ» մամուլի ակումբում այսպես էլ հայտարարի չեկան այն հարցի շուրջ, թե որքանով են արդյունավետ լինելու խորհրդարանական ընտրություններին ընդառաջ ձեւավորվող դաշինքները:
Գուրգեն Եղիազարյանը պնդեց, որ իշխանությունից հեռացվածների դաշինքների ստեղծումը պետք է ողջունել, Արշակ Սադոյանն էլ համաձայն չէր: Ըստ նրա՝ չի կարելի սատարել «նախկին թալանչիներին», որոնց թալանելու հնարավորությունները սպառվել են, եւ հիմա էլ դաշինք են ստեղծում:
«Ո՞վ էր նախարարն այն ժամանակ, երբ շտաբի պետը թալանում էր: Նա, ով այսօր դաշինք է կազմում»,-ասաց Սադոյանը, ապա բանը հասավ բղավելուն:
Արշակ Սադոյանը համոզմունք հայտնեց, որ դաշինքները գաղափարազուրկ են. «Լինելով թալանչի՝ դաշի՜նք են կազմում: Դա ողբալի է…»:
Կարդացեք նաև
Գուրգեն Եղիազարյանն էլ իր հերթին ասաց. «Դաշինքներին պետք է ողջունել, որովհետեւ ուժ գտան Սերժ Սարգսյանի իշխանությանը «ոչ» ասելու: Նախկինում պաշտոնյա են եղել, այո, իսկ ի՞նչ անեին: Ոչ մեկը ՀՀԿ-ից դուրս չգա՞ր, որ ՀՀԿ-ն վերարտադրվեր, եւ Հայաստան չմնա՞ր»:
Մանրամասն՝ տեսանյութում
Լուիզա ՍՈՒՔԻԱՍՅԱՆ
