Պանամայի դատախազությունը դադարեցրել է օֆշորային սկանդալի աղմկոտ գործով հետաքննությունը: Այս մասին գրում է «Ինտերֆաքսը»՝ վկայակոչելով այդ երկրի գլխավոր դատախազի հայտարարությունը:
Մասնավորապես, գլխավոր դատախազը մամուլի ասուլիսում հայտարարել է, որ հետաքննությունը դադարեցնելու համար հիմք է ծառայել այդ գործողության անօրինական լինելու հարցը, գործով պետք է որոշում կայացնի գերագույն դատարանը:
Հիշեցնենք, 2016թ. ապրիլին գերմանական Sueddeutsche Zeitung պարբերականը հրապարակեց պանամյան Mossack Fonseca իրավաբանական ընկերության փաստաթղթերը, որոնց համաձայն աշխարհում բազմաթիվ հայտնի ընկերություններ և անձինք օֆշորային սխեմաներ են կիրառել՝ հարկերից խուսափելու համար: Հենց այդ հրապարակման հիման վրա Պանամայի գլխավոր դատախազությունը քննություն էր սկսել:
Պանամայի օֆշորային սկանդալում ներգրավված էր նաև ՀՀ Գլխավոր հարկադիր կատարող Միհրան Պողոսյանը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
