Այս օրերուն նաեւ յայտնի դարձաւ, որ Հայաստանի Հանրապետութեան Վերահսկիչ պալատի նախագահ Իշխան Զաքարեան, արձակուրդ վերցնելով՝ ստանձնած է Բարգաւաճ Հայաստան կուսակցութեան ընտրական շտապի ղեկավարի պաշտօնը:
Եթէ ՀՀԿն եւ «Բարգաւաճ Հայաստան»ը մրցակից կուսակցութիւններ ըլլային, արտաքնապէս այդպէս ալ են, ապա տրամաբանական պիտի ըլլար, որ Իշխան Զաքարեանը ոչ թէ արձակուրդի երթար, այլ՝ կորսնցներ իր պաշտօնը:
Յովիկ Աբրահամեանին՝ տնտեսապէս կամ այլապէս պատժուելու մտահոգութիւն չունենալը եւ Իշխան Զաքարեանի պաշտօնանկ չըլլալու փաստը կարելի է մեկնաբանել այնպէս, որ նախագահ Սերժ Սարգսեան ինքզինք շա՛տ ամուր կը զգայ եւ մտահոգ չէ առնէտներու հաւանական վազքէ մը, որուն ազդանշանը կրնար ըլլալ իր երբեմնի կարեւորագոյն զինակիցներէն մէկուն հեռանալու լուրը: Գագիկ Ծառուկեանի քաղաքական դաշտ վերադարձն ալ կարելի է տեղաւորել տնտեսական պատիժի վախը անտեսելու շրջագիծէն ներս:
Կա՛մ ալ, անշո՛ւշտ, արդէն իսկ կը թեւակոխենք ժողովրդավարութեան նոր հանգրուան մը, ուր իշխանական լծակները չեն չարաշահուիր՝ յանուն աթոռի պահպանման: Աստուծո՛յ կամքով:
Նյութի մանրամասները կարդացեք «Ասպարեզ»–ի կայքում
