Ըստ իրանական լրատվամիջոցների՝ տեղի գործարաններից մեկն արտադրում է հենասյուներ՝ ՀՀ-Իրան երրորդ բարձրավոլտ էլեկտրագծի կառուցման համար: Այս մասին այսօր «Sputnik Արմենիա» մամուլի կենտրոնում լրագրողներին հայտնեց իրանագետ Վարդան Ոսկանյանը:
Նա նշեց՝ դա փաստում է այն մասին, որ ծրագիրն ընթացքի մեջ է. « Իրանը ՀՀ-ին գազ է տալիս էլեկտրաէներգիայի դիմաց: Եթե էլեկտրագիծը մտնի շահագործման փուլ, ապա ՀՀ մտնող իրանական գազի ծավալները կարող են աճել 3-5 անգամ»:
Անդրադառնալով Սյունիքում հիմնվելիք ազատ տնտեսական գոտուն՝ Վարդան Ոսկանյանը կարծիք հայտնեց, որ այն իրանցի ներդրողներին հնարավորություն կտա գործունեություն ծավալել ՀՀ-ում. «Արտադրանքը պետք է սպառվի ԵՏՄ եւ ԵՄ շուկաներում՝ «արտադրված է ՀՀ-ում» մակնշմամբ»:
Իրանագետը նաեւ տեղեկացրեց, որ օրերս սպասվում է Իրանի տարածքում գտնվող Արաքսի տնտեսական գոտու ներկայացուցիչների այցը ՀՀ, ինչը խոսում է տնտեսական գոտին հիմնելու շահագրգռվածության մասին:
Կարդացեք նաև
Այլ մանրամասները` տեսանյութում
Լուիզա ՍՈՒՔԻԱՍՅԱՆ
