«Նախ Արցախը չի եղել, չկա ու չի լինի Ադրբեջանի տարածքը: Ուստի, Ադրբեջանի առաջնորդի նկրտումները Արցախի նկատմամբ առավել քան հիմնազուրկ են ու անհեթեթ: Ավելի շուտ Կասպից ծովը ամբողջությամբ կդառնա քաղցրահամ, քան Արցախը կհայտնվի Ադրբեջանի կազմում»,-Aravot.am-ի հետ զրույցում ասաց ԱԺ փոխնախագահ Էդուարդ Շարմազանովը:
Հիշեցնենք, երեկ Ադրբեջանի նախագահ Իլհամ Ալիեւը հայտարարել էր. «Երբեք թույլ չենք տա Ադրբեջանի տարածքում երկրորդ հայկական պետություն ստեղծել: Լեռնային Ղարաբաղին երբեք անկախություն չի տրվելու: Եթե որևէ մեկը նման բան է սպասում, թող իզուր չսպասի»։
Նելլի ԳՐԻԳՈՐՅԱՆ
