Քաղաքագետ Ստեփան Գրիգորյանը կարծում է, որ ՀՀ իշխանությունները եւս պետք է արձագանքեն բլոգեր, լրագրող Ալեքսանդր Լապշինին Բելառուսի կողմից Ադրբեջանին արտահանձնելու խնդրին: «Պետք է հարցը բարձրացնեն ԵՏՄ-ում, ՀԱՊԿ-ում, որտեղ գործընկերային կապ ունեն Բելառուսի հետ: Իրավական առումով սա գուցե մեր գործը չէ, բայց քաղաքական հետապնդում է»,-«Մեդիա կենտրոնում» այսօր լրագրողների հետ հանդիպմանն ասաց Ստեփան Գրիգորյանը:
«Ադրբեջանն ամեն ինչ անում է, որ մեկուսացնի Հայաստանը և Ղարաբաղը»,-նշեց քաղաքագետը՝ նկատի ունենալով այն, որ Լապշինի օրինակով Ադրբեջանը ցանկանում է կասեցնել մարդկանց այցելություններն Արցախ. «Պետք է ցույց տանք, որ այս հարցում մենք կանք: Սա կունենա լրջագույն հետևանքներ Ղարաբաղյան հարցի լուծման վրա»:
Ըստ քաղաքագետի՝ ՀՀ-ն Բելառուսին պետք է ասի. «Այս ի՞նչ ուղերձ եք մեզ ուղարկում»:
Լուիզա ՍՈՒՔԻԱՍՅԱՆ
Կարդացեք նաև
Լուսանկարը՝ «Մեդիա կենտրոնի»
