«Եթե Ադրբեջանն իր ուզած ձևով պահանջում է, ու արտահանձնում են որեւէ մեկին, դա հեռուն գնացող հետևանքներ կարող է ունենալ»,-«Մեդիա կենտրոնում» այսօր անդրադառնալով լրագրող, բլոգեր Ալեքսանդր Լապշինի արտահանձնմանը, ասաց մեդիափորձագետ Սամվել Մարտիրոսյանը:
«Ո՞վ է բացառում հնարավորությունը, որ ՀՀ որևէ քաղաքացի, որը հաճելի չէ Ադրբեջանին, Մինսկ գնալուց նույն կերպ կամ այլ մեղադրանքով չի հայտնվի Ադրբեջանում»,-նկատեց Սամվել Մարտիրոսյանը:
Փաստաբան Արա Ղազարյանն էլ նշեց, որ ըստ որոշ տեղեկությունների՝ բլոգերին մտադիր են ահաբեկչական խմբավորում ձեւավորելու մեղադրանք ներկայացնել, ինչը Սամվել Մարտիրոսյանն աբսուրդ որակեց:
«Նման գործելակերպը Ադրբեջանի քաղաքականությունն է: ԵԽ-ի, ԵԱՀԿ-ի անդամ պետությունը չի կարող նման քաղաքականություն ունենալ»,-հավելեց Արա Ղազարյանը:
Կարդացեք նաև
Լուիզա ՍՈՒՔԻԱՍՅԱՆ
Լուսանկարը՝ «Մեդիա կենտրոնի»
