Կառավարության վերջին նիստի ժամանակ վարչապետ Կարեն Կարապետյանը հանձնարարեց բոլոր նախարարություններին և գերատեսչություններին կառավարության հաջորդ նիստին ներկայացնել 2017թ համար արդեն իսկ կանխատեսվող կամ պայմանավորված ներդրումների փաթեթները:
Հասկանալի է, որ նման հանձնարարությունը կարող էր տրվել միայն այն դեպքում, երբ ներդրումների ծավալները ավելի քան կոնկրետ են: Ընդ որում` ենթադրվում է, որ 2017թ ընթացքում Հայաստանի տնտեսություն կներդրվի շատ ավելի մեծ գումարներ, քան այն 300 մլն դոլարը, որի մասին վերջերս բավականին ակտիվ քննարկվում է մամուլում և սոցցանցերում:
Ընդ որում` ներդրումներն իրականացվելու են տնտեսության բոլոր բնագավառներում, ինչը բնականաբար զգալիորեն կխթանի աշխատատեղերի ստեղծումը և բիզնես մթնոլորտի բարելավումը:
Հետաքրքրական է, որ օրերս մամուլում նաև տեղեկություն եղավ այն մասին, որ վարչապետը մտադրություն ունի ինչ-որ մեխանիզմներով ետ վերցնել ժամանակին կոպեկներով սեփականաշնորհված և փաստացի թալանված ձեռնարկությունները:
