ՀՀԿ 16-րդ համագումարի երիտասարդական հավաքի շրջանակներում տեղի ունեցող «Խոսք ու զրույց» ձևաչափի բանախոսներից էր բժշկական գիտությունների դոկտոր, պրոֆեսոր Կոնստանտին Ենկոյանը: Գիտնականը երիտասարդ հանրապետականների հետ կիսվել է մի շարք խորհուրդներով, որոնք անհրաժեշտ են նրանց, ովքեր որոշել են գիտությամբ զբաղվել: Կոնստանտին Ենկոյանը ներկաների ուշադրությունը հրավիրեց երկու հզոր գիտնականների՝ Ալբերտ Էնշտեյնի և Անդրեյ Սախարովի լուսանկարներում նրանց աչքերին. «Դրանց մեջ թախիծ կա, քանի որ երկուսն էլ ի վերջո գիտակցեցին իրենց հայտնագործությունների թե´ առավելությունները և թե´ վտանգները: Գիտությունը հզոր զենք է, որը կարող է աշխարհը փոխել նաև բացասական ուղղությամբ: Հիշե´ք սա»,- նշեց Կոնստատին Ենկոյանը:
Երիտասարդ գիտնականը խորհուրդ տվեց ազնիվ լինել սեփական հետազոտությունների հանդեպ, անգամ եթե դա պահանջում է 15-30 անգամ կրկնել այն: Ըստ գիտնականի՝ հաջողության գրավականներից է նաև գործին անմնացորդ նվիրվելն ու սիրահարվելը. «Պետք է վարպետ՝ պրոֆի լինել գործում, դիմել ոչ ստանդարտ քայլերի»: Կոնստանտին Ենկոյանն այն համոզմունքին է, որ կարևոր է նաև լայն մտահորիզոնը, առանց որի անհնար են լուրջ գիտական նվաճումները:
Կոնստատին Ենկոյանն ամփոփելով իր ելույթը՝ մի խորհուրդ էլ տվեց երիտասարդներին. «Մի´ գնացեք երկրից: Մի ուրիշ հպարտությունն է հայ լինելով ներկայացնել Հայաստանը գիտական աշխարհում»:
ՀՀԿ Երիտասարդական կազմակերպություն
