Օքսֆորդում նախատեսվում է հրատարակել հայկական ձեռագրերի թվայնացված ձեռնարկ

Հունվարի 18-ին Վիեննայի համալսարանի Պատմական և մշակութային ուսումնասիրությունների ֆակուլտետի Բյուզանդական և հունական ժամանակակից ուսումնասիրությունների ամբիոնը կազմակերպել էր հայագիտական ուսումնասիրություններին նվիրված միջոցառում, որին մասնակցեց նաև Ավստրիայում ՀՀ դեսպան Արման Կիրակոսյանը։

Միջոցառմանը հայկական ձեռագրերի թեմայով դասախոսություն կարդաց Օքսֆորդի և Վիեննայի համալսարանների պրոֆեսոր Էմիլիո Բոնֆիլիոն, ով, մասնավորապես, ներկայացրեց հայ ձեռագրական մշակույթի զարգացումը պատմության տարբեր ժամանակաշրջաններում՝ ընդգծելով դրանց պատմական, գրական և մշակութային արժեքը, ինչպես նաև զարդարվեստի նշանակությունը: Էմիլիո Բոնֆիլիոն տեղեկացրեց նաև, որ Օքսֆորդում նախատեսվում է հրատարակել հայկական ձեռագրերի թվայնացված ձեռնարկ:

Դասախոսությանը ներկա էին ավստրիացի գիտնականներ, հասարակական շրջանակների և հայ համայնքի ներկայացուցիչներ:

Վիեննայի համալսարանում դեսպան Կիրակոսյանը հանդիպում ունեցավ նաև Պատմական և մշակութային ուսումնասիրությունների ֆակուլտետի դեկան, դոկտոր Լիոբա Թայսի հետ։ Վերջինիս հետ քննարկվեցին հայագիտության բնագավառում հայ և ավստրիացի գիտնականների միջև համագործակցությունը խորացնելու հարցերը:

Կարդացեք նաև

Խնդրում ենք շուտափույթ զբաղվել Մեծ Բրիտանիայի և Հյուսիսային Իռլանդիայի միացյալ թագավորությունում Հայաստանի դեսպանի նշանակման գործով

• 09:15 30.11.2020

Արմեն Սարգսյանն առաջարկել է ԱԳՆ-ին՝ հիմնել Արման Կիրակոսյանի անվան տարեկան մրցանակ հայ երիտասարդ դիվանագետների համար

• 17:49 23.07.2019

Արման Կիրակոսյանը պետական մարդ էր՝ նվիրված իր ժողովրդին, ազգին, պետականությանը. նախագահ Արմեն Սարգսյանը մասնակցել է Արման Կիրակոսյանի հրաժեշտի արարողությանը

• 16:35 13.07.2019

Տեղեկանք. Վիեննայի համալսարանի Պատմության և մշակութային ուսումնասիրությունների ֆակուլտետի Բյուզանդական և հունական ժամանակակից ուսումնասիրությունների ամբիոնի ուսումնական ծրագրերի շրջանակներում հայկական ձեռագրերը կարդալու նպատակով դասավանդվում է գրաբար:

ՀՀ ԱԳՆ