Հունվարի 20-ին ՀՀ ԱԳՆ-ում Հայաստանի և Ֆրանսիայի արտաքին գերատեսչությունների միջև տեղի ունեցան քաղաքական խորհրդակցություններ:
Հայկական կողմից խորհրդակցությունները վարում էր արտաքին գործերի նախարարի տեղակալ Կարեն Նազարյանը, ֆրանսիական կողմից` Արտաքին գործերի, Եվրոպայի և ինտեգրացիայի նախարարության Մայրցամաքային Եվրոպայի հարցերով տնօրեն Ֆլորանս Մանժենը:
Հայ և ֆրանսիացի դիվանագետները քննարկեցին երկկողմ հարաբերությունների օրակարգային հարցեր, բարձր գնահատեցին հայ-ֆրանսիական քաղաքական երկխոսության դինամիկան, միջխորհրդարանական սերտ կապերը, ապակենտրոնացված մակարդակով համագործացության լայն շրջանակը: Քննարկվեցին նաև առևտրատնտեսական կապերի զարգացմանը միտված քայլերը:
Զրուցակիցներն անդրադարձան նաև միջազգային կազմակերպությունների շրջանակներում երկկողմ փոխգործակցությանը:
Կարդացեք նաև
Աշխատանքային ճաշի ընթացքում կողմերը մտքեր փոխանակեցին նաև տարածաշրջանային զարգացումների վերաբերյալ։
ՀՀ ԱԳՆ
