«Լուրջ փոփոխություններ կարող են լինել: Նա գլխավորելու է մի երկիր, որը ՌԴ-ի հետ առճակատման մեջ է: Այդ երկրներն են, որ պետք է կարողանան «տոն տալ» աշխարհաքաղաքական մյուս երեւույթներին, այդ թվում՝ Չինաստանի առնչությամբ, որի հետ կարծես թե ԱՄՆ-ն խնդիրներ է ունենալու»,-«Հայելի» մամուլի ակումբում այսօր անդրադառնալով ԱՄՆ նորընտիր նախագահ Դոնալդ Թրամփի սպասվելիք երդմնակալությանը, ասաց ՀՀ արտակարգ եւ լիազոր դեսպան Արման Նավասարդյանը:
Թե ինչ հունով կզարգանան ռուս-ամերիկյան հարաբերությունները, ըստ նրա՝ դրականը կգերակշռի. «Թրամփի հայտարարությունների մի մասը փաստում է, որ խնդիրները կարող են դրական լուծումներ ստանալ, մասնավորապես՝ ՌԴ-ի հանդեպ պատժամիջոցների մասով: Եթե Թրամփը որոշ չափով կարողանա դրանք վերացնել, դրությունը կփոխվի դրական առումով: ՌԴ-ն էլ տրամադրված է երկխոսության»:
Ըստ Արման Նավասարդյանի՝ ռուս-ամերիկյան հարաբերություների բարելավումը ՀՀ-ի շահերից է բխում. «Շատ բան կախված է ՀՀ դիվանագիտության ճկունությունից: ՀՀ-ն կարող է դառնալ պլատֆորմ, որը կարող է մոտեցնել ԱՄՆ-ին եւ ՌԴ-ին»:
Մանրամասն քիչ ուշ՝ տեսանյութում:
Կարդացեք նաև
Լուիզա ՍՈՒՔԻԱՍՅԱՆ
