Քիչ առաջ ավարտվել է ԳԱԼԱ կուսակցության վարչության նիստը, որոշում է կայացվել չմասնակցել առաջիկա խորհրդարանական ընտրություններին: Այս մասին մեզ տեղեկացրեց ԳԱԼԱ կուսակցության վարչության անդամ Քրիստինե Մկրտչյանը:
«ԳԱԼԱ կուսակցությունը նպատակահարմար չի համարում հայաստանյան ներկա ներքաղաքական ստեղծված իրավիճակի պայմաններում ներգրավվել այդ գործընթացների մեջ»,-փոխանցեց մեր զրուցակիցը:
Մեր հարցին՝ արդյո՞ք նման որոշում կայացնելը պայմանավորված էր ՏԻՄ ընտրությունների արդյունքներով, Քրիստինե Մկրտչյանն ասաց. «ՏԻՄ ընտրություններն արդեն անցած փաստ են, չկենտրոնանալով ՏԻՄ ընտրությունների վրա՝ կարող եմ միայն ասել, որ ներկա իրավիճակն է հանգեցրել վարչության անդամների մեծամասնությանը քվեարկել ընտրություններին չմասնակցելու օգտին»:
Նունե ԱՐԵՎՇԱՏՅԱՆ
