Արտյոմ Թադեւոսյանը 20 տարի Մոսկվայում բնակվելուց հետո տարիներ առաջ տեղափոխվել է ՀՀ եւ Բամբակաշատ համայնքում հիմնել չրագործության արտադրամաս, որի արտադրանքն ամբողջությամբ սպառվում է ՌԴ-ում: «Միֆ է, որ ՀՀ հարկային դաշտը վատն է»,-«Հայք» կենտրոնում այսօր լրագրողների հետ հանդիպմանը ներկայացնելով իր հաջողված պատմությունը՝ ասաց նա:
«2012թ.-ից զբաղվում եմ արտահանմամբ ու ոչ մի խնդիր չեմ ունեցել ոչ հարկայինի, որ մաքսայինի հետ: Ընդամենը մասնագետներ ենք ներգրավել եւ գործել օրենքի սահմաններում: Խնդիրն այլ բանում էր՝ մասնագետներ էին պետք, որոնք չունեինք, ստիպված շատ գումար ենք ծախսել եւ տեխնոլոգիաներ մշակել»,-պատմեց գործարարը:
«Եթե օրենքի դաշտում ես աշխատում, ոչ մի հարկային քեզ վատ բան չի ասի»,-վստահեցրեց Արտյոմ Թադեւոսյանը: Նա նաեւ նշեց, որ ԵՏՄ-ին անդամակցելը նպաստել է իր արտադրանքի սպառմանը:
Մանրամասն՝ տեսանյութում:
Կարդացեք նաև
Լուիզա ՍՈՒՔԻԱՍՅԱՆ
