«Բջնի» հանքային ջրերի գործարանը, որը պատկանում է ՀՀՖ նախագահ Ռուբեն Հայրապետյանին, ըստ «Ժողովուրդ» օրաթերթի տեղեկության, աճուրդի է հանվել:
Թե ի՞նչն է պատճառը, որ գործարանը վաճառքի է հանվում, արդյոք ֆինանսական խնդիրներ կա՞ն, Aravot.am-ը փորձեց ճշտել Ռուբեն Հայրապետյանից:
Ռուբեն Հայրապետյանը մեր հարցը լսելուն պես զարմացավ, որ իր գույքը վաճառքի է հանվել. «Դուք ինձանից նման բան լսե՞լ եք»:
Մեր այն դիտարկմանը, որ մամուլն է գրել գործարանի աճուրդի մասին, ուստի փորձում ենք ճշտել տեղեկությունն ու վաճառքի պատճառները, Հայրապետյանն այսպես պատասխանեց . «Իմ անուն-ազգանունն էդքան հաճելի՞ է ձեզ, որ ուզում եք գրեք ու մարդիկ կարդան»:
Կարդացեք նաև
«Ոչ, իհարկե: Պարզապես խոշոր բիզնեսին վերաբերող հարց է»,-մեր այս պատասխանից հետո նոր պարոն Հայրապետյանը հստակեցրեց՝ «Ամեն դեպքում, նման բան չկա»:
Իսկ ընկերության գործադիր տնօրեն Արսեն Իգիթխանյանն էլ ասաց, որ գործարանը ֆինանսական խնդիրներ չունի եւ այն աճուրդի հանված չէ:
Նելլի ԲԱԲԱՅԱՆ
Լուսանկարը PHOTOLUR-ի
