Գրեթե երկու տարի առաջ իշխանությունների ձեռամբ քաղաքականությունից դուրս մղված «Բարգավաճ Հայաստան» կուսակցության նախագահ Գագիկ Ծառուկյանը երեկ, ԱԺ ընտրություններից 2,5 ամիս առաջ, հայտարարեց կրկին քաղաքականություն վերադառնալու մասին։ Մենք զրուցեցինք քաղաքագետ Սարո Սարոյանի հետ։
– Պարոն Սարոյան, կարո՞ղ ենք Գագիկ Ծառուկյանի վերադարձի մասին հայտարարությունը համարել անսպասելի, որովհետեւ, համաձայն քաղաքական շրջանակներում արվող կանխատեսումների, այդ վերադարձը դիտվում էր քիչ հավանական։
– Նախ՝ նման կարգի կանխատեսումները հիմնված են սկզբունքայնության վրա, երբ քաղաքական գործիչները ցուցաբերում են ինչ-որ սկզբունքայնություն։ Մեր քաղաքական դաշտում սկզբունքայնությունը, որպես կատեգորիա, բացակայում է, հատկապես՝ օլիգարխիայի դեպքում։ Եվ սեփական անսկզբունքայնությունը ներկայացնում են որպես սկզբունք։ Եվ երբ քաղաքական գործիչները քրեաօլիգարխիայի պայմաններում սկսում են խոսել
սկզբունքներից, ուղղակի աբսուրդ է։ 25 տարվա մեր քաղաքական կյանքը ցույց է տվել, որ չկան այնպիսի սկզբունքներ, որ չխախտվեն այդ գործիչների կողմից։ Իսկ այն փաստը, որ Գագիկ Ծառուկյանը հեռացել էր քաղաքականությունից, հիմա վերադառնում է, այդպիսի դիմափոխություններ միշտ սպասելի են։ Ինձ
Կարդացեք նաև
թվում էր, որ մեր հանրությունը վաղուց պետք է սովորած լիներ նման
երեսփոխություններին, որքանով որ այդ բառն ասոցացվում է «երեսփոխան» բառի հետ։
Թագուհի ՀԱԿՈԲՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
