Amnesty International-ի կարծիքով Եվրոպայում ընդունվող հակաահաբեկչական նոր օրենքները վտանգավոր են կիրառվող սահմանափակումների պատճառով: Այդ սահմանափակումներն ապահովում են անվտանգությունը, սակայն ի հաշիվ քաղաքացիների իրավունքների:
Եվրոպան արձագանքում է վերջին երկու տարիների մի շարք ահաբեկչական գործողություններին: Փարիզում 2015 թվականի նոյեմբերին տեղի ունեցած ահաբեկչությունը ստիպել էր Ֆրանսիային հայտարարել արտակարգ դրություն:
Այն թույլ է տալիս պետական կառույցներին արգելել բողոքի ցույցերը, սահմանել պարետային ժամ, առանց դատարանի որոշման տնային կալանքի ենթարկել մարդկանց կամ խուզարկություն իրականացնել:
Ֆրանսիայի վարչապետը հայտարարել է, որ արտակարգ դրությունը կերկարացվի հինգերորդ անգամ, քանի որ այն անհրաժեշտ է Ֆրանսիայի քաղաքացիների անվտանգությունն ապահովելու համար:
«Բոլորս պետք է գիտակցենք իրականությունը, որ մենք գտնվում ենք ահաբեկչական վտանգի ներքո»,- ասել է Ֆրանսիայի վարչապետը:
Կարդացեք նաև
Amnesty-ին նշում է, որ ֆրանսիական իշխանությունները չարաշահում են լիազորությունները, որի օրինակներից է 20 ակտիվիստի տնային կալանքը Փարիզի կլիմայի վերաբերյալ համաժողովից առաջ, որը տեղի ունեցավ ԴԱԵՇ-ի ահաբեկչությունից օրեր անց:
Նյութի մանրամասները կարդացեք «Ամերիկայի Ձայն»-ի կայքում
