Անկանոն սննդակարգը հաճախ կարող է տարբեր տեսակի խնդիրներ առաջացնել: Դրանցից մեկը՝ աղեստամոքսային տրակտի բնականոն աշխատանքի եւ դիմադրողականության անկումն է, որի կարգավորման համար ժողովրդական բժշկությունը առաջարկում է օգտագործել հետեւյալ դեղամիջոցը:
Նախապես գազը հեռացրած 1 բաժակ հանքային ջրին ավելացնել 15-20 կաթիլ թարմ կիտրոնահյութ եւ խմել նախաճաշից 30 րոպե առաջ: Երեկոյան՝ ընթրիքից առաջ, հանքային ջրի բաժակը տաքացնել, ավելացնել 1 ճաշի գդալ որեւէ դեղաբույս՝ սուսամբար, արեւքուրիկ, անանուխ, թրմել 1 ժամ, ապա քամել, ավելացնել մեղր ու դանդաղ, կումերով խմել:
Կուրսը ընդունել 2 շաբաթ:
Աղեստամոքսային տրակտը լավ է մաքրում հետեւյալ բաղադրությունը.
1.5 լիտր եռման ջրում լուծել 1 ճաշի գդալ աղ եւ 1 ճաշի գդալ մեղր: Այս խառնուրդը կարելի է խմել ամիսը 2 անգամ՝ առավոտյան, ուտելուց կես ժամ առաջ:
Հիշեք նաեւ, որ ցանկացած ինքնաբուժումից առաջ պետք է դիմել համապատասխան մասնագետի, գուցե ձեր օրգանիզմը այլ խնդիրներ եւս ունենա եւ տվյալ դեղամիջոցը հակացուցված լինի ձեզ:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
17.01.2017
