Այս ընտրությունները մեկ քայլ առաջ պետք է լինեն որակական, կազմակերպչական, քաղաքական դաշտի կայացման առումով, որովհետև այս ընտրակարգը տարբերվում նախորդ ընտրակարգերից՝ հատկապես քաղաքական ուժերի կայացման առումով: «Հենարան» մամուլի ակումբում այսօր իր կարծիքը բարձրաձայնեց ԱԺ ՀՀԿ խմբակցության պատգամավոր Լեռնիկ Ալեքսանյանը:
Բանախոսը համոզված է`Ընտրական օրենսգիրքը թույլ է տալիս, որ ընտրություններն անցնեն հրապարակային հնարավորինս անթերի:
Լրագրողներից մեկի հարցին` ՀՀԿ-ն պատրաստվո՞ւմ է կրկին առաջադրել Լեռնիկ Ալեքսանյանի թեկնածությունը, թե՞ հին կադրերին հրաժեշտ տալու խնդիր կա, պատգամավորն այսպես արձագանքեց. «Հին կադրերից ազատվելու միտում չկա, կուսակցությունն է որոշում, թե ով լինի ցուցակում: Ռեյտինգային ցուցակը կազմելիս կուսակցության որոշումը պետք է լինի, ցանկությունը, բացի այդ՝ հնարավորությունները պետք է կշռադատված լինեն, հաշվի առնվեն մի շարք հանգամանքներ: Իմ ցանկությունն էլ կախված է կուսակցության դիրքորոշման հետ, ես մեծ ամբիցիաներ չունեմ, եթե կուսակցությունը գտնի, որ պետք է լինեմ, ուրեմն կլինեմ»:
Մանրամասները` տեսանյութում
Կարդացեք նաև
«Այս ընտրությունների առավելությունն այն է, որ առաջին անգամ ենք մասնակցում ընտրությունների` Ընտրական նոր օրենսգրքի և Սահմանադրության ընդունումից հետո»,- ասաց մյուս բանախոս, «Հայկական վերածնունդ» կուսակցության մամուլի խոսնակ Էդգար Առաքելյանը: Ասաց` բացատրական աշխատանքներ են տանում ընտրողների հետ, կուսակցության ներսում էլ կազմակերպչական աշխատանքները գտնվում են բարձր մակարդակի վրա:
«Մենք տարբեր քաղաքական ուժերի նրանց ուժերի ներկայացուցիչների հետ հանդիպումներ ենք ունեցել, նրանք հայտնի անհատներ են, սակայն այժմ անուններ տալ չեմ կարող: Ասեմ, որ ՀՎԿ-ն արդեն իսկ յուրօրինակ միավորում- դաշինք է: Կարող եմ ասել, որ պատրաստ ենք դաշինքով մասնակցել, թերևս հավանականությունը մեծ է, որ առանձին ցուցակով կմասնակցենք ընտրություններին»,- հավելեց Էդգար Առաքելյանը:
Լեռնիկ Ալեքսանյանը վստահեցնում է`ՀՀԿ-ում գիշեր ու զօր ջանում են, որ ընտրակաշառքների դեմն առնեն: Ու այդ պատճառով էլ ծնվել է ռեյտինգային ընտրակարգի գաղափարը: Լեռնիկ Ալեքսանյանը վստահեցնում է`այդ ընտրակարգով իրենք հասարակությանը սովորեցնում են տարբերակել լավ քաղաքական գործչին, լավ մարդուց կամ բարերարից: Նա օրինակ է բերում, Շիրակի նախկին մարզպետ Ֆելիքս Ցոլակյանին, որն ամենայն հավանականությամբ լինելու է ՀՀԿ-ի համամասնական ցուցակում, ռեյտինգային համակարգով եւ վերահսկելու է, որ գումար չբաժանվի իր ընտրատարածքում:
Մանրամասները` տեսանյութում
Նելլի ԳՐԻԳՈՐՅԱՆ
