Հայաստանի շախմատի ակադեմիայում ավարտվեց վարչապետ Անդրանիկ Մարգարյանի 7-րդ հուշամրցաշարը:
Շրջանային մրցակարգով անցկացված մրցաշարում, որին մասնակցեցին Հայաստանի Չեխիայի, Ռուսաստանի եւ Ուկրաինայի տասը շախմատիստներ, ինը հնարավորից 6,5 միավորով հաղթող ճանաչվեց ուկրաինացի միջազգային վարպետ Ստանիսլավ Բոգդանովիչը: Գրոսմայստեր Հովիկ Հայրապետյանը 6,0 միավորով զբաղեցրեց երկրորդ հորիզոնականը, երրորդ տեղը գրավեց գրոսմայստեր Ռոբերտ Աղասարյանը (5,5 միավոր): Նույնքան միավորով Դմիտրի Գորդիեւսկին (Ռուսաստան) լրացուցիչ գործակիցներով բավարարվեց չորորդ տեղով, իսկ ՖԻԴԵ-ի վարպետ Արամ Հակոբյանը 5,0 միավորով եզրափակեց հնգյակը:
Հաղթողը՝ Բոգդանովիչը, լրացրեց գրոսմայստերի, իսկ Արամ Հակոբյանը՝ միջազգային վարպետի նորմա:
Աշոտ ՀԱԿՈԲՅԱՆ
Կարդացեք նաև
Լուսանկարը՝ chessfed.am-ի
