Երեւան-Վարշավա թռչելիս ինքնաթիռում, ի թիվս այլ ամսագրերի, նաեւ այս մեկն էր` Kaleidoscope-ի հունվար ամսվա համարը: Վերջինիս 80-րդ էջում տոլմայի մասին տեղեկատվություն կար զետեղված, իսկ տոլման ներկայացված էր որպես հին թուրքական, ադրբեջանական եւ հունական ազգային ճաշատեսակ: Ասվում էր նաեւ, որ այժմ տոլման ճաշակում են Իրանում ու անգամ Ռուսաստանում, սակայն որեւէ խոսք չկար Հայաստանի մասին: Եվ սա այն դեպքում, երբ ամեն տարի Հայաստանում Տոլմայի փառատոն է անցկացվում, իսկ Տոլմայի առաջին փառատոնին անդրադարձել է նաեւ CNN-ը:
Հավելենք, որ Ադրբեջանը միշտ էլ տոլման իբրեւ սեփական ճաշատեսակ համարելու նկրտումներ է ունեցել, եւ դեռ անցյալ տարվանից Բաքուն թղթեր էր նախապատրաստում տոլմայի պատրաստման ավանդույթը ՅՈՒՆԵՍԿՕ-ի ոչ նյութական համաշխարհային ժառանգության ցանկում ներառելու համար, իսկ Ադրբեջանի մշակույթի եւ զբոսաշրջության նախարար Աբուլֆաս Գարաեւը պնդում էր, թե «տոլման պատկանում է ամբողջ թյուրքական աշխարհին»:
Լուսանկարը` ԳՈՀԱՐ ՀԱԿՈԲՅԱՆԻ
Կարդացեք նաև
«Առավոտ»
14.01.2017
Թուրքերը Կասպից ծովի արևելյան ափից արևմտյան ափ են բերել երկւ ,,ճաշատեսակ,,մեկը ոչխարի մսի մեկ հատվածը դրել են ձիու թամբի տակ և հիսուն կմ գնալուց հետո,առանց կանգառի կերել են ծեծված հում միսը՝որպեսզի ժամանակ չկորցնեն և պահպանեն առաջխաղացման տեմպը:Մյուս ճաշատեսակը փոսում խորոված ոչխարի միսն է մորթու մեջ փաթաթած՝այդ էլ երբ պաշարել են որևէ ամրոց:Եթե որևէ ցեղախումբ սեփական ոչինչ չունի,ձգտում է ուրիշներինը գողանալ….