«Խնդիրը մեր օրակարգից կվերանա այն ժամանակ, երբ տարածաշրջանում այլեւս չի լինի Ադրբեջան կոչվող պետական միավորը»,-«Դեբատ» մամուլի ակումբում այսօր անդրադառնալով ԼՂՀ հակամարտության լուծմանը՝ ասաց քաղաքագետ Սերգեյ Շաքարյանցը:
«90-ականներին էլ նույն խնդիրն է եղել: Անգամ եթե այսօր Մադրիդյան սկզբունքներով ինչ-որ համաձայնություն կնքվի, Արցախի խնդրից բխող մյուս խնդիրները շարունակվելու են, քանի դեռ Ադրբեջանը գոյություն ունի»,-հավելեց նա:
Անդրադառնալով Չինարիում հակառակորդի կողմից ձեռնարկած դիվերսիային՝ քաղաքագետը նշեց, որ ՀՀ-ի եւ ԼՂՀ-ի հանդեպ ռազմական սադրանքներ գրեթե ամեն տարի եղել են. «Հիշում եմ 2010, 2011, 2012, 2013, 2014թթ-ների սադրանքները: Մի դեպք եմ հիշում, երբ մինչեւ Տավուշի մարզի Մեհրաբի զորամասի ճաշարան են հասել՝ 2013թ.-ին: Այդ ինչքա՞ն են հասել անխոչընդոտ: Իշխանավորներից ոչ մեկ ձայն չհանեց՝ ձեռնտու չէր, որովհետեւ ընտրությունների տարի էր»:
Կարդացեք նաև
Լուիզա ՍՈՒՔԻԱՍՅԱՆ
