«Քաղաքական ուժերն այլեւս չեն խոսում Ղարաբաղյան հակամարտության մասին՝ չհաշված Լեւոն Տեր-Պետրոսյանի վերջին ելույթը: Այսինքն՝ գնում ենք խնդիրը չլուծելու ճանապարհով»,-«Դեբատ» մամուլի ակումբում այսօր ասաց քաղաքագետ Աղասի Ենոքյանը:
«Շատերն են ասում, որ 2017-ին պատերազմ կլինի: Դա պարզ է, քանի որ կողմերը չեն հասել իրենց ուզածին: Որքան ժամանակ ձգձգվի, այնքան Ադրբեջանի՝ պատերազմելու հավանականությունը նվազելու է, որովհետեւ այդ ընթացքում ՀՀ-ն ձեռք կբերի համապատասխան զենք»,-հավելեց նա:
Անդրադառնալով ՀՀ-ում ԵԱՀԿ գրասենյակի փակման հարցին՝ քաղաքագետը կարծիք հայտնեց, որ դա թուլացնում է ԵԱՀԿ-ի ներկայությունը ՀՀ-ում. «Դա տանում է նրան, որ ՀՀ-ն գնալով միջազգային ասպարեզում ավելի «իզգոյանում» է, ինչը լավ չի: Արցախյան խնդրի լուծման առաջին շրջանում խնդիրը հարցի միջազգայնացումն էր, իսկ հիմա հարցի զարգացումը թողնում ենք Ռուսաստանի հայեցողությանը»:
Կարդացեք նաև
Լուիզա ՍՈՒՔԻԱՍՅԱՆ
