«Նախկին պայմանագիրը 10 տոկոս ապրանքով էր: Ռուսաստանն ու Վրաստանը հետեւյալ պայմանավորվածությունն են ձեռք բերել՝ այս պահին 1 միլիարդ խորանարդ մետր գազի ներկրման դեպքում պայմանագիրը գործում է 10% ապրանքով, հաջորդ միլիարդի վրա գումար է տրամադրված, որն իր արժեքով ավելի ցածր է, քան 10% գազը: Հետեւաբար, այս տրանզիտի ժամանակ «Գազպրոմ» ընկերությունը որոշակի գումար շահում է, որը նախատեսված է եղել այն սակագնի նվազեցման մեջ, որի մասին մենք հայտարարել ենք: Մենք ներկայացրել էինք 4 գործոն, որոնք ազդում են սակագնի նվազեցման վրա, որոնցից մեկը սա է»,- այս մասին այսօր լրագրողների հետ հանդիպման ժամանակ ասաց ՀՀ վարչապետ Կարեն Կարապետյանը:
Նրա խոսքերով՝ Հայաստան ներմուծվող ռուսական գազի տարանցման գինը վրացական կողմը նվազեցրել է:
Վարչապետը վստահեցրեց, որ ռուս-վրացական համաձայնությամբ չեղյալ չի դառնում Իրանից Վրաստան Հայաստանի տարածքով գազ տարանցելու ծրագիրը:
Վարչապետի ներկայացմամբ՝ եթե մեր երկիր 1 միլիարդ խորանարդ մետրից ավելի ռուսական գազ ներմուծվի՝ տարանցման դիմաց գումար են վճարելու Վրաստանին:
Կարդացեք նաև
Մանրամասն՝ տեսանյութում
Վրացական գործընկերներն էլ այդ գումարով հնարավորություն են ունենում գազ գնել այն երկրից, որտեղից ցանկանում են:
Հարցին՝ եթե Հայաստանի վարչապետը Կարեն Կարապետյանը չլիներ, արդյոք «Գազպրոմը» կգնա՞ր գազի սակագնի նվազեցման, վարչապետը պատասխանեց.« «Ընկերական հարաբերություններ կան, անձնական վստահությունը իսկապես գործոն է: Ես չեմ բացառում, որ ես վարչապետ եմ, դրա համար «Գազպրոմը» գնաց այդ գործարքին: Բոլորն ասում են՝ սա նախընտրական շոու է, դա այդպես չէ, ես ընդամենը ուզում եմ, որ տնտեսությունն ակտիվանա: Իրականում սա շաբաշ չէ: «Գազպրոմ»-ի ակնկալիքը ո՞րն է. շուկայի ընդլայնման պարագայում ինքը կորուստ չունենա: Մեկ տարվա մեջ եթե չկոմպենսացվեն այդ ծախսերը, նա կգնա՞ր այդ քայլին, կարծում եմ՝ ոչ»:
Ապա վարչապետը շարունակեց՝ փորձում են այնպես անել, որ շուկայի ընդլայնման պարագայում ընկերությունը կորուստ չունենա:
Նելլի ԲԱԲԱՅԱՆ
