Կենտրոնական ընտրական հանձնաժողովն այսօրվա արտահերթ նիստում հաստատեց ապրիլի երկուսին ԱԺ ընտրությունների ժամանակ քվեարկությանը մասնակցած ընտրողների ցուցակները սկանավորելու կարգը:
ԿԸՀ նախագահ Տիգրան Մուկուչյանի խոսքով, արդեն ընդունվել են Ընտրական օրենսգրքի համապատասխան կանոնակարգումները, որի համաձայն ընտրություններին մասնակցածների ընտրացուցակները՝ բացառությամբ զորամասերում, ՔԿՀ-ներում եւ ձերբակալվածների պահման վայրերի կազմված ընտրողների ցուցակների, մնացած պարագայում ցուցակները սկանավորվելու են ու հրապարակվելու են: Նպատակը ընտրական գործընթացի թափանցիկության ու հրապարակայնության ապահովումն է:
Արփինե ՍԻՄՈՆՅԱՆ
