«Պատասխան՝ 100 տարի անց» համալիր ծրագիրը մոտենում է տրամաբանական ավարտին։ Շուրջ երկու տարի տևած նախագծի արդյունքում ստեղծված լավագույն քանդակներից հինգը համալրել են Հայաստանի ազգային պատկերասրահի հավաքածուն։ Օրերս Պատկերասրահի տնօրեն Արման Ծատուրյանը հյուրընկալել է երիտասարդ քանդակագործներին և շնորհակալագրեր հանձնել՝ բարձր գնահատելով կատարված նվիրատվությունը։ Նա նաև պարտավորեցրել է, որ իրենց հետագա գործունեությամբ երիտասարդները լինեն առավել նպատակասլաց և լավագույնս դրսևորեն իրենց ստեղծագործական որակները, քանի որ այսուհետ նրանց անունները հանգրվանել են Հովհաննես Այվազովսկու, Գևորգ Բաշինջաղյանի, Փանոս Թերլեմեզյանի և մյուս մեծերի կողքին։
Հարկ է նշել, որ նախագծի շրջանակում հաջողված որոշ աշխատանքներ առաջիկայում Ե. Չարենցի անվան գրականության և արվեստի թանգարանի կողմից կփոխանցվեն Շուշիի պատկերասրահին՝ որպես նվիրատվություն։
Կարդացեք նաև
Ստորև՝ Հայաստանի ազգային պատկերասրահին նվիրված աշխատանքների ցանկը։
«Վերջինը» (Բրոնզ, գրանիտ, 23*20*60). հեղ՝ Նարեկ Կնյազյան
«Երբեք չմոռացվեց…» (Բրոնզ, գրանիտ, 32*31*20). հեղ` Արփինե Քեթցյան
«Ելել ես, որ աշխարհն իմանա…» (Մարմար, բրոնզ, 40*50*30). հեղ` Մայա Ավագյան
«Դեր-Զորի հերոսը» (Բրոնզ, մարմար, 32*20*20). հեղ` Հայկ Պետրոսյան
«Դեպի հավերժություն» /«Ավրորա» (Բրոնզ, 30*30*17). հեղ` Մանվել Մաթևոսյան
Նախագծի կազմակերպչական խորհուրդ
