«Ազատություն» ռ/կ. Թուրքիայի խորհրդարանը այս շաբաթվա ընթացքում քննարկելու և քվեարկելու է արտակարգ դրությունը ևս երեք ամսով երկարաձգելու հարցը։ Այսօր այդ մասին ասել է երկրի վարչապետ Բինալի Յըլդըրըմը իշխող կուսակցության պատգամավորների հետ հանդիպման ժամանակ:
Թուրքիայում արտակարգ դրություն է հայտարարվել 2016-ի հուլիսի 15-ի հեղաշրջման փորձից հետո: Արտակարգ դրությունը կառավարությանը հնարավորություն է ընձեռում շրջանցելով խորհրդարանը օրենքներ ընդունել և ըստ իր հայեցողության սահմանափակել ու սառեցնել այս կամ այն իրավունքներն ու ազատությունները:
