Օլիմպիական քառակի չեմպիոն, «Մեծ սաղավարտի» մրցաշարերի 38-ակի հաղթող, ներկայումս աշխարհի թիվ 2 թենիսիստուհի Սերենա Ուիլյամսի եւ ամերիկահայ գործարար, նորությունների Reddit սոցիալական ցանցի հիմնադիր Ալեքսիս Օհանյանի նշանադրության մասին լուրը շատ արագ տարածվեց համացանցում:
Արդեն ամբողջ աշխարհի գիտի, որ Բրուքլինում ծնված գործարար, ներդրող, գրքերի եւ ռադիոհաղորդաշարերի հեղինակ Ալեքսիս Օհանյանը Թուրքիայի կողմից իրականացված Հայոց ցեղասպանությունից հրաշքով փրկված հայ ընտանիքի սերունդ է: Ինքը՝ Օհանյանը, պատմել է, որ ինքը շատ ընկերներ ունի Հայաստանում, որ եղել է իր նախնիների հայրենիքում եւ անտարբեր չէ իր ազգի ճակատագրի հանդեպ:
Հետաքրքիր է՝ Ալեքսիսը Սերենա Ուիլյամսին ե՞րբ կբերի իր պատմական հայրենիք:
Երբ հեռուստաաստղ Քիմ Քարդաշյանը Հայոց ցեղասպանության 100-ամյակի տարում ամուսնու՝ հայտնի ռեփեր Քանյե Ուեսթի հետ եկավ Հայաստան, ժողովուրդը սիրեց իր փեսային:
Կարդացեք նաև
Հերթը Ալեքսիսինն ու Սերենայինն է: Լավ կլինի, որ նրանց հետ գա նաեւ Սերենայի քույրը՝ Վենուս Ուիլյամսը:
Աշոտ ՀԱԿՈԲՅԱՆ
