«Ինգո-Արմենիա» ապահովագրական ընկերությունն այս տարի հավաքագրել է 8.4 միլիարդ դրամ ապահովագրավճար՝ կատարելով շուրջ 3.4 միլիարդ դրամի հատուցում:
Այս մասին այսօր լրագրողների հետ հանդիպման ժամանակ ասաց ընկերության գործադիր տնօրեն Արեւշատ Մելիքսեթյանը: Ընկերության 2016-ի թվականի աշխատանքային արդյունքները ներկայացնելիս, պարոն Մելիքսեթյանն ասաց, որ այս տարի բավականին հավակնոտ ծրագրեր են դրել ընկերության առաջ, որոնք հաջողությամբ իրականացրել են:
Ընկերությունը, ինչպես ներկայացրեց պարոն Մելքիսեթյանը, տնօրինում է 11 միլիարդ դրամի ակտիվներ, ունի շուրջ 7 միլիարդ դրամի պարտավորություններ, իսկ սեփական կապիտալի մեծությունը կազմում է 3.9 միլիարդ դրամ: Ընկերությունում աշխատակիցների թիվը նախորդ տարվա համեմատ աճել է 14%-ով, ներկայումս աշխատողների թիվը 267 է: Պարոն Մելիքսեթյանի ներկայացմամբ՝ Ինգո-Արմենիայի» զուտ շահույթը կկազմի ավելի քան 900 միլիոն դրամ, շահութաբերությունն ըստ կապիտալի՝ 25%-է, իսկ ըստ ակտիվների՝ 10%, ընկերության վճարած հարկերի ծավալը կազմում է 400 միլիոն դրամ:
Կարդացեք նաև
Ինգո-Արմենիայի ֆիզիկական անձ հաճախորդների թիվը 200 հազարի է հասնում, եւ 1,300 կազմակերպություններ:
«Մեր առաջնային ուղղությունները շարունակական զարգացման եւ ֆինանսական կայունության ապահովում ենք, եւ դրանք արտացոլող հիմնական ցուցանիշներն են՝ վճարունակությունը, որով մենք գերազանցում ենք կենտրոնանան բանկի սահմանած նորմատիվը՝ 50%-ով,եւ իրացվելիությունը, որը գերազանցում է 2 անգամ: Նման ցուցանիշների մեզ հաջողվել է հասնել ռիսկերի համակողմանի գնահատման եւ հավասարակշռված ներդրումային քաղաքականության շնորհիվ: 2016 թվականին ամրապնդել ենք մեր առաջատարի դիրքերը ապահովագրական գործունեության ուղղություններից շատերում: Ապահովագրական շուկայում մատուցվող 10 ապահովագրական տեսակներից 7-ով առաջատարն ենք: Դրանք ենք՝ ԿԱՍԿՈ ապահովագրություն, գույքի ապահովագրություն, առողջության ապահովագրություն, տուրիստական ապահովագրություն, դժբախտ պատահարներից ապահովագրություն, ընդհանուր պատասխանատվության ապահովագրություն, օդանավերի ապահովագրություն»,-ասաց Արեւշատ Մելիքսեթյանը:
Մանրամասները՝ տեսանյութում
Ընկերությունն այս տարի ԱՊՊԱ եւ ԿԱՍԿՈ ապահովագրատեսակներով բավարարել է հատուցման դիմումների 98,4%-ը, առողջության ապահովագրության դիմումների 99%-ն է բավարարել:
Պարոն Մելիքսեթյանն անդրադառնալով 2017 թվականի ծրագրերին, ասաց, որ եկող տարին հոբելյանական է ընկերության համար, նշելու են Ինգո-Արմենիայի 20 ամյակը, որն անցկացվելու է թվայնացում խորագրի ներքո: Անցյալ շաբաթ ընկերությունում մեկնարկել է ԱՊՊԱ-օնլայն համակարգը՝ online.ingoarmenia.am հասցեով: Սա, ինչպես ասաց պարոն Մելիքսեթյանը, հնարավորություն է տալիս հաճախորդներին ինքնուրույն եւ առցանց կնքել ԱՊՊԱ պայմանագիր եւ կատարել վճարում: Շուտով նաեւ ներդրվելու է տուրիստական ապահովագրության առցանց համակարգը:
Ընկերության գործադիր տնօրենը վստահեցրեց, որ եկող տարի հաճախորդների սպասարկման որակի բարելավման ուղղությամբ մի շարք ծրագրեր ունեն. հատուցման նիստերը հաճախորդների համար դարձնելու են ավելի թափանցիկ եւ հանրային: Եկող տարվա ապրիլից ծրագրվում է անցում կատարել ԱՊՊԱ հատուցումների ուղիղ վճարման համակարգին:
Մանրամասները՝ տեսանյութում
«Այս տարի ընկերությունը ավանդական ամանորյա կորպորատիվ միջոցառումից հրաժարվել է, փոխարենը միջոցառման համար նախատեսված գումարն ուղղելու է զինծառայողների առողջությանը եւ կյանքին պատճառված վնասների հատուցման հիմնադրամին»:
Առողջության ապահովագրման ներդրման մասին էլ պարոն Մելիքսեթյանն ասաց, որ ներդրվող ծառայությունում ներառվում է ապահովագրության 4 փուլ. առաջին տարին լինելու է քաղաքացու առողջության հետազոտության փուլը, 2-րդը՝ դրվելու է բուժման օպտիմալ, կարճ եւ որակյալ ճանապարհը. «Ամեն հաջորդող տարի փաթեթն ընդլայնվելու է եւ 4-րդ փուլում գործնականորեն բացառվելու է նախորդող հիվանդություններ հասկացողությունը: Փաթեթը մատչելի է, աշխատող մարդկանց գրպանին հարմար»:
Մանրամասները՝ տեսանյութում
Գյուղատնտեսության ոլորտում արդյոք ընկերությունը պատրաստվում է ապահովագրություն ներդնել. Գործադիր տնօրենն ասաց, որ այդ ուղղությամբ աշխատանքներ են տանում միջազգային կառույցները, իսկ հունվար ամսին ավելի հստակ կտեղեկացնեն այդ ծրագրերի մասին:
Մանրամասները՝ տեսանյութում
