«Արցախի հարցը ոչ թե բարդ է, որովհետեւ մենք մնացել ենք մենակ հզոր տերությունների դեմ, այլ հարցը բարդացնում է մեր քաղաքական վերնախավը՝ իր թալանը եւ կոռուպցիան ծածկելու համար»,-այսօր «Արցախ. հաղթական այլընտրանք» խորհրդաժողովի ժամանակ ասաց Արցախի նախկին պատգամավոր, ռազմական գործիչ Վահան Բադասյանը:
Անդրադառնալով ՀԱԿ առաջնորդ Լեւոն Տեր-Պետրոսյանի ելույթին՝ նա կարծիք հայտնեց, որ ՀՀ առաջին նախագահն այդ ելույթով ասաց ամենը՝ ապացուցելու համար՝ «չէ՞ որ ես դա միշտ ասում էի»:
«Որքան էլ նա կոշտ քննադատում է 2-րդ եւ 3-րդ նախագահներին՝ որպես երկիրը թալանելու գործընթացի մեջ աչքի ընկածների, միեւնույնն է՝ նա կոչ է անում նեցուկ լինել Արցախի հանձնմանը, տարածքների զիջման հարցին՝ այդ կերպ վախեցնելով սեփական ժողովրդին: Հաղթող երկիրը իր ժողովրդին պատերազմով է վախեցնում: Սա դավաճանի կեցվածք է, անճար եւ վախկոտ մարդու վարքի դրսեւորում»,-նշեց Վահան Բադասյանը:
Նրա խոսքով՝ Արցախը ներկայիս սահմաններով պահելու հնարավորություն կա. «Մենք մեր իրավունքները պետք է տարածենք մեր պատմական սահմանների վրա: Աշխարհը կհասկանա մեզ: Գերտերությունները մեզ չեն պարտադրում հող հանձնել, հակառակը՝ հորդորում են պահել այդ տարածքները: Տպավորություն է, որ հանձնումն անհրաժեշտ է միայն իշխող վերնախավին եւ Ալիեւին: Ուրիշ ոչ մեկին պետք չէ դա»:
Կարդացեք նաև
Մանրամասն՝ տեսանյութում:
Լուիզա ՍՈՒՔԻԱՍՅԱՆ
