Ղրղըզստանը հրաժարվել է ստորագրել ԵԱՏՄ Մաքսային օրենսգիրքը: Այս մասին, ինչպես հաղորդում է ՏԱՍՍ-ը, հայտարարել է Եվրասիական տնտեսական հանձնաժողովի նախագահ Տիգրան Սարգսյանը:
«Բոլոր ներկաները ստորագրել են բոլոր փաստաթղթերը, բացի երկուսից: Օրակարգի առաջին հարցը՝ Եվրասիական տնտեսական միության առևտրային քաղաքականության զարգացման մասին հայտարարությունը, ստորագրել է երեք երկիր, Ղրղըզստանը չի ստորագրել: Երկրորդ փաստաթուղթը Մաքսային օրենսգիրքն է: Երեք երկիր ստորագրել է, Ղրղըզստանը չի ստորագրել Մաքսային օրենսգիրքը»,- ասել է Սարգսյանը՝ ավարտելով Եվրասիական տնտեսական գերագույն խորհրդի նիստը:
Նա հստակեցրել է, որ երեք պետություն ասելով՝ նկատի ունի նիստին մասնակցող պետությունները: Բելառուսի նախագահ Ալեքսանդր Լուկաշենկոն այսօրվա նիստին չէր մասնակցում:
Սարգսյանի խոսքով՝ մյուս փաստաթղթերը (շուրջ 20 փաստաթուղթ) ստորագրվել են:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
