Ամեն տարեմուտի «Գրանդ հոլդինգը» Տավուշի մարզի համայնքների բնակիչներին սննդի փաթեթներ է նվիրում: Այդ փաթեթում նաեւ պատկերազարդ ամսագիր կա, ուր ներկայացված են Տավուշի համայնքներում «Գրանդ հոլդինգի» կատարած բարեգործական ծրագրերը, նաեւ Միքայել Վարդանյանի շնորհավորական ուղերձով բացիկ է դրված: Մ. Վարդանյանը Ամանորի առթիվ տավուշցիներին շնորհավորելով, բարեմաղթելով, նշում է. «Մեր համագործակցությունն արդեն երկար տարիների պատմություն ունի: Մեր աջակցությամբ բազմաթիվ ծրագրեր են իրականացվել Տավուշի մարզում, որոնց միջոցով փորձել ենք մեր համեստ ներդրումն ունենալ մարզի զարգացման գործում: Հուսով ենք, որ մեր համագործակցությունը կշարունակվի: Մեր նպատակն է, որ հայրենիքի սահմաններում ամուր կանգնած Տավուշի հերոսական ժողովուրդը արժանապատիվ ապրի իր հարազատ հողում եւ երբեք լքի այն»:
Տավուշի համայնքներում «Գրանդ հոլդինգի» կատարած բարեգործական ծրագրերի մասին պատմող ամսագրի նախավերջին եւ վերջին էջերում ներկայացված են մարզի սահմանամերձ Մովսես գյուղում ծնված, «Գրանդ հոլդինգ» ընկերության կազմի մեջ մտնող «Գրանդ տոբակո» ՍՊԸ ֆինանսական տնօրեն Գրիգոր Ավալյանի կենսագրությունը եւ Միքայել Վարդանյանի հետ նրա լուսանկարը:
Բերդի տարածաշրջանի համայնքների ղեկավարները մեզ հայտնել են, որ Գրիգոր Ավալյանն ապրիլին կայանալիք խորհրդարանական ընտրություններում ընդգրկվելու է ՀՀԿ համամասնական ցուցակում:
Կարդացեք նաև
Ոսկան ՍԱՐԳՍՅԱՆ
