Արարատի մարզի համայնքապետների հետ հանդիպման ժամանակ վարչապետ Կարեն Կարապետյանը հանձնարարել է ավելի շատ դոտացիաներ տրամադրել այն համայնքներին, որտեղ հարկահավաքությունը նորմալ է ընթացել, և հավաքված հարկերի ծավալներն աճել են։
«ՉԻ»- Բիզնես-մտածողության տեսանկյունից սա, իհարկե, ճիշտ որոշում է։ Մենեջերները հենց այդպես էլ վարվում են` լավ եկամուտ բերող ստորաբաժանումներում լրացուցիչ ներդրումներ են անում, իսկ վնասով աշխատող ստորաբաժանումները փակում են։ Գյուղացիներն էլ են այդպես անում, ձու ածող հավերին կերակրում են, ձու չածողներին` մորթում։ Միայն թե` Հայաստանի համայնքները (գյուղերը) ոչ արտադրամասեր են, ոչ էլ, առավել ևս, հավեր։ Դրանք չի կարելի վերացնել։ Վերջին հաշվով` եթե որոշ համայնքներ հարկերի պլանը չեն կարողանում կատարել, պատճառը դրանց ծանր վիճակն է։ Ու եթե սկսենք հերթով «փակել» աղքատ գյուղերը` շատ շուտով Հայաստանում ընդհանրապես Երևանից բացի բնակավայր չի մնա։
Չնայած` բիզնես-մտածողության տեսանկյունից դա գուցեև ճիշտ է։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
